رسائل sms ابوذيات شكاكية

موضوع: رسائل sms ابوذيات شكاكية 10/7/2008, 7:20 pm

مسجاااات ابوذيااات

نبض كَلبي يصيحن حيل بس عود
بنحس عايش ولا فد يوم بسعود
ذبل وردي يناهي وباقي بس عود
بعد ما جان يزهي انكَطع ميّه,,,,,

تلوج الروح ياأحبــابي وراكم
وعجاج الضعن سد عيني وراكَم
يدمرني الحلم بيكم وراكــم
ويريت الحلم واليقــضه سويه.

عليك اشكد رجف قلبي وداري
ولجل عينك بعت ملكي وداري
اضن تعلم بـــضيمي وداري
شكد احبك ونت تضحك علية

هنا يلخذة روحي وانتة بيها
المحاسن فرع منك وانتة بيها
لا تحرك جبدتي ونتة بيها
خوفي عليك مو خوفي علية

انة جناح الحزن رفرف منسماي
يموت الموت لو يشرب من سماي
اضن تختض لو تعرف منسماي
واخاف عليك لا تنصدم بية

زنجيل ابو أذية عتاب

عليك اشكد رجف قلبي وداري
ولجل عينك بعت ملكي وداري
اضن تعلم بضيمي وداري
شكد احبك ونت تضحك علية

علية اوصيك بعد لا تعلة علية
ولا تكابر بنضراتك علية
مو غشيم انت علية

انه اعرفك زين واشبيك ما بيك
اضن ذرة وفة بعد ما بيك
ولو تعلك العشرة شمع بعد ما ابيك

لانك ردي والردي مايوافي
سقيته من دمع عيني ماي وافي
لو يبجيلي طول العمر مايوافي

لان روحي كومة ضيم احملت
مثل هم الي من حرام احملت
ولدت ضيم وانوب هم احملت

جنة ابد ما يريد ينزل حملها
وعفاه القلب شكد جروح منك حملها
السفينه تغرق لو زاد حملها
وانت قلبك جلد وابدما بيه حمية

احبكم اكثر من الكون وانـسة
وعندي الموت اذا يرضيك ونسة
ما فارگ ابد ذكراك ونــسة
واقدم روحي لعيونك هدية

يغص الريج من تجبل وكحلك
والعمر كلة يروح فدوة لكحلك
اشك الكاع لو كالو وكح لك
واجيبة هنا ليذكرك بذية

الك دوم انه اتعنى وصل بيك
وعنادك وين يبن ادم وصل بيك
حبيبي وشايل بجيبي وصل بيك
وباجر بيك انا مطلع هوية

انا بحبك ابد مافد يوم غشيت
وعن كل الشباب النظر غشيت
كعدت يمه وعلية بسكوت غشيت
وكف صاح المدرس غشت علية

عراق انت والك بالروح منصب
وعلى فركاك دمعي منصب
عسى موتي قريب وقبري من صب
ولا اسمع خبر عنك اذيه

احبك واعتذر منك وناسف
جمال البروحك مغربل وناسف
احط بروحي تي ان تي وناسف
وافجر روحي لو تزعل عليه

انة الشديت جرحك ليش حليت
وعلي حلة الطلاب حليت
ذكرتك بمتحان وغلط حليت
شجاوب وانتة شاغل حتى ادية

عليت وما اظن شخصك علاني
لان بس فركاك يا صاحب علاني
ازعلك اني ما اكدر على اني
اذا زعلتك انة ازعل علية

غزال ايكول ماخذ شمرة منك
وعسل صافي اشحلاتك شمرة منك
تجي ساعات حنظل شمر منك
اجرعنك وكول اتحن علية

عليكم من سلام الله ورحمة
حن على هل الكلب مرة ورحمة
اذا رايد اجر انت ورحمة
تعال انطيني بوسة وحن علية

يهل ناديت بسمي هواي عيدة
ويهل ماخذ دليلي وياك عيدة
الكلب مو بس بعد رمضان عيدة
انا عندي العيد من نكعد سوية

يگلبي بيش اخيطنك ولحماك
ولا واحد شگف عنك ولاحماك
يجيك الضيم من دمك ولحمك
من اقاطعهم تلوم الناس بيه

عشرتك صدك روحي ما تملهة
وكلبي ايام سعدك مات املهة
اريد انصب لروحي ماتم الهة
واشوفك هم تجي وتبجي علية

وصلني اخر خبر منك وردني
واخذني للسمة هجرك وردني
مثل برعم زرع بعده ورد ني
صورة كلبي بعدك هاي هيه

جفن هالعين من فركاك كوطر
واخذ كلبي العكل وياه كوطر
تعال ارجعلي شوف شلون كوطر
خلافك كل جزء مني بزويه

جيت انشد ليالي هواج عتاب
واغني بونة من الروح عتاب
يصيح الكلب ويه غناي عتاب
احبنج واظل حد المنيه

صدك راح اعذبنك وهملك
وبعد مااركض الجيتك وهملك
بعد ميفيدك انحيبك وهملك
لان حبك دغش كلة رديه

عشكتة ورفضوا اهلي شيعوني
وعلى قبلة يهودي شيعوني
صفت بس الجكارة شي يعوني
على حب الشعر والابجديه

الف رحمة اعلة والدهم سموكة
والف لعنة اعلة طاريهم سموكة
اورث الروح من اجلك سموكة
والفنهة جمر نركيلة هيه